وين أنـــــت .. ؟

وين أنت .. ياللي كلما قلت وين انت .. حتى السؤال يقول وين الاجابه ..

عامين ضايق وانت للحين مابنت .. في حالتي بين الحزن والكآبه..

ولو شنت بعيون المخاليق ماشنت في عين من حبك سرا به ..

لو لا الغلا ياصاحبي ماتمكنت ..صدر من الهجران صاير خرابه ..

عوّد علي .. عوّد علي وانا اترياك لاهنت الحال واحد والظروف تتشابه ..

اذا سألت تحبني قلت لي كنت وانا ابتسم من باب حب الدعابه ..

وان خنتني اعلم ترى مابعد خنت الا معك لكن خونة ذرآبه ..

خنتك مع طيفك بعد ماتيقنت انك علي بعد الثرا والسحابه..

واكبر خطا .. واكبر خطا محبتك وانت ماصنت ..

تدري وش يغيض الرجل في هوا البنت .. ؟

ا انه يعيش بواقع مادرى به ..

لكن انا .. وش انا وانت .. وايش انت .. ؟

هذا السؤال اللي يبي له اجابه ...